آه يا وطن

مشاهدات

عادل السرحان

زغار وحلمنا بوطن

يكبر مثل الاوطان 

تالي خذانا الكبر 

وما شفنا بس عنوان 

وظل الحلم مختنگ 

 وتنغك عليه غربان 

تمنينه كون الوطن 

دايرنا  مثل السور 

وبفيه نگضي العمر

وعالراس بيه ندور 

بس وسفه صار الوطن

دولاب بينا  يدور 

جاوبني شنهو الوطن 

لو ضيّع الطيبين 

ودروبه صارت قهر

واولاده محرومين

وبي يسأل ابن النغل  

عن ناسه ذول منين ؟

لاياحلم لاتمر 

تكتلنا من اتروح 

إحنا الگضينا العمر

جرح ويداوي جروح 

لابد يجينا الصبح 

وساعتها اگلك روح