مَهَدْ بايِدْ

مشاهدات

 


وفاء عبد الرزاق

وبالكاروك گلبي يمرغله الهزَّازْ
بيدْ اغريبْ وعيوني نِثيرْ اگزازْ
 مساميرْ  المهَدْ  مَندَرْ  والجسم محمومْ
 وثِلماتْ الخِشبْ  والحافهن بزَّازْ
بحاجة دفو  ما ضايگ وجع دنياه
 أحًوم  اعلية وأمشيله و لَوٌ جنَّاز
مِحزِنْ ناي گلبي شما نفخت افراح
اسوَلف للصور خايف عليها تروح
أفكلَكْ دارْ صدري والضلع بروازْ
أغمّضْ جمرتي واصحا بحچي الدخَّانْ
ويتشاقن الساعات تالي الليل
شقى معطّبْ جفِنْ والرمِشْ فزَّاز
السفر ظالم بخت والسلام اوداع
مخرَزْ  بالمَخَدَّة  والوكِتٌ خرّاز
بين اغياب عيني وبين لمحة طيف
ويلَوَمْ  النومْ  ينخَى بحاجة العكّاز
رايد گفا  ابنادم حاسده العامود
 وهامة وِليْ معدَّلْ  ساعة  التِنعاز
عيون اثنين  عندي اوكون عشر عيون
واحتار شلون ادفّي طيوفكْ الحلواتْ
وياهي احچيلها والجميع اعزازْ
حچاية  سخي ونام الظما بچَفَّيه
 ويا وسفة الكوز الخاينه الكوَّازْ
أنا العاشگ الخوفَيَنْ بيك اعليكْ
مثل جاهلْ واداري بنگزة النگاَّزْ
يَحيلْ بدعا امتيّه حالْ يشكي الْحالْ
الثوب مِعْوِزْ  يَلمستحيلكْ خيط
وبَسّْ الگاع تدري اشكثر بيها اركازْ.